«SABR» Respublika ijtimoiy-iqtisodiy rivojlanish markazi va MChJ "Sabr mikromoliya tashkiloti", Kambag’allikni qisqartirish va bandlik vazirligining bilan hamkorlikda, Jahon banki tomonidan moliyalashtirilgan (1,6 mln.AQSh doll.) «Aholini ijtimoiy muhofaza qilish tizimini mustahkamlash» loyihasi amalga oshirildi.
2022-2024 yilda loyiha doirasida Respublikamiz 14ta viloyatida kam ta’minlangan va qishloq joylarida yashovchi aholiga mobilizatsiya (safarbarlik), tadbirkorlik ko’nikmalarini rivojlantirish, biznesni rejalashtirish, kredit olish, moliyaviy va huquqiy savodxonlik, soliq, gender zo’ravonligi va gender masalalari bo’yicha 35 soatlik 5 kunlik treninglar o’tkazildi. 2022-2024 yillarda aholining kambag’al qatlamlaridan bo’lgan
-15 206 nafari tadbirkorlik asoslariga o’qitildi;
- xozirgi kunga qadar ulardan 40 foizi oilaviy tadbirkor, yakka tadbirkor, o’zini-o’zi band qilgan shaxslar sifatida faoliyat yurgizmoqda;
- o’qitilgan ishtirokchilarning 87% ayollar tashkil etadi;
- Respublikaning barcha 14ta hududlarida 502ta trening o’tkazildi;
- uch yil mobaniyda 70 nafar tanlab olingan malakali trenerlar faoliyat ko’rsatdi.